Geguritan

SEJARAH NABI

Pedhut angameng-ameng

Ireng peteng ing antariksa

Nutupi soroting surya mring marcapada

Kang tembene

Bagaskara tan bisa aweh pepadhang

Dikaya mengkono gegambarane manungsa

Dhek jaman semana

Jaman kanga aran jaman jahiliyah

Jamane manungsa murka ngumbar hawa nepsu

Murka mring tumindak angkara lan degsura

Kang sugih ngarani dhirine minangka tuwan

Kang rumangsa menang tumrap manungsa sapadha

Kang mlarat mung entuk jatah kaladekahe minangka budak

Nanging,

Gusti Kang Maha Welas kelawan Asih

Sigra paring pepadhang tumrap umate

Pedhut kang ngameng tinudhung umate

Pedhut kang ngameng tinudhung genti

Kanthi laire jabang bayi

Kang karan Nabi Muhammad

Nabi kang gawe pepadhang umat manungsa

Nabi kang dadi patuladhan

Dadi panutan umat Islam

Manungsa dadi eling mring gustine

Manungsa dadi welas lan asih mring sapadha

Tanpa ngelingi pangkat lan drajat gebyare donya

Sumber : Ngleluri Basa Jawi II